Έρθαν ξαν οι εκλογές

Οι πρώτες του αιώνα

Όλοι εσέβαν σην μπελιάν

Τίναν πρέπ να ψηφίζνε τώρα;  Ας όλ΄ς πολλά νουνίζνατοΟι Πόντιοι ατώρα

Ές άλλς κανονισμούς

Σ΄ατέν αδά τη χώρα 

Έχνε πολυκομματισμόΕλεύθερα ψηφίζεις

Το πρόβλημα όμως εν ακεί

Τίναν να προτιμήσεις; 

Οσήμερον ελάτε όλ; Σην κεντρικήν πλατεία

Θα ομιλά το ΚΚΕ

Φωνάζνε οι ανακοινώσεις. 

Ο Πόντιος ξαν κι χανΤην ευκαιρίαν τούτην

Αμάν φορεί τα κόκκινα

Και πάει κι αφουγκράται. 

Οσήμερον ελάτε όλΣην Κεντρικήν πλατεία

Θα ομιλήσει το ΠΑΣΟΚ

Φωνάζνε οι ανακοινώσεις 

Ο πόντιος ξαν κι χανΤην ευκαιρίαν τούτην

Αμάν φορεί τα πράσινα

 Και πάει κι αφουγκράται. 

Οσήμερον ελάτε όλΣην κεντρική πλατεία

Θα ομιλήσει σοβαρά

Η Νέα Δημοκρατία. 

Ο Πόντιος ξάει κι χανΚι αυτήν την ευκαιρία

Αμάν φορεί γαλάζια

Κι αλλήγορα τρεσ΄ σην πλατεία. 

Χαρτία γώμωσεν τ΄ οσπίτΑσ΄ όλων των χρωμάτων

Όνταν ακούσ΄ ατς, όλτς πίστεψον

Τεάμ λέγνε την αλήθειαν

Κι όνταν παίρνε την ψήφο τους

Ήντανε παραμύθια. 

Η κ. Αντίκλεια Τσαρτσίδου, είναι μέλος του κύκλου των Ποιητών της Ροδόπης. Γράφει στην Ποντιακή και Ελληνική γλώσσα και μεταφέρουμε το πρώτο της σατυρικό ποίημα, που γράφηκε το 2000. 

Advertisements